بلاش قطع العيش وأحنا مش أندااااااال

عمرو موسي رجل صاحب خبرة دبلوماسية – كان وزير خارجية ورئيس الجامعة العربية يا جماعة، ولازم نحترم تاريخه طبعا .

هو معلش مصر فقد علاقتها بدول أفريقيا، وأثيوبيا بتهدد بقطع النيل ، وإسرائيل تغلغلت في كامل أفريقيا. والسودان بقت سودانين .

ومعلش كمان مصر لم تطور علاقتها بجنوب شرق أسيا ولا بالنمور الأسيوية.

ونعذرة أيضا إن العراق أحتلت في وقته؛ يعني هو كان هايقدر على أمريكا ، وسوريا اتضربت لمَ قالوا عندها مفاعل؛ وطلع مفيش لكن معلش أكيد  هايجي يوم  أمريكا هاتعتذر وإسرائيل هاتتوب.

واحد يقلي وحصار غزة، أقله بلاش تزعج الناس بأكاذيب لم تحدث، غزة حرة ومستقلة.

واحد مفتري يقولي المسجد الأقصى بيتهد، تقولش عمرو موسي فاضي للكلام ده .

أنا أعرف واحد صاحبي كان عنده دكان، جاب واد فاشل يشغله، وبعدين الدكان خرب وفلس ، لكن صاحبي ده جدع، راح فتح مول كبيييييير وجاب الواد الفاشل يشغله عشان أصله خبرة وفاهم، عارفين ليه؟؟ لأنه محبش يحرج الواد الفاشل ويقطع عيشه. أحنا شعب أصيل ولازم ننتخب الفاشل ... سوري  يعني أسف الدبلوماسي عشان بلاش قطع العيش وأحنا مش أندااااااال.